ಬಾನಂಗೋಚಿ..

ಬಾನಿಗೊಮ್ಮೆ ಹಾರುವಾಸೆ 

ಬಾನಂಗೋಚಿಯಾಗುವಾಸೆ

ಮೋಡದೊಡನೆ ತೇಲಿ ತೇಲಿ

ಮನದ ನೋವ ಮರೆಯುವಾಸೆ..

ಮೇಲೆ ಹೋಗಿ ಹಗುರವಾಗಿ

ತನ್ನ ತನವ ಕಾಣುವಾಸೆ

ಸೂರ್ಯ ಚಂದ್ರ ತಾರೆಯೊಡನೆ

ಸ್ನೇಹಸೌಧ ಕಟ್ಟುವಾಸೆ..

ಮೇಲೆ ಹೋಗಿ ಇಣುಕಿ ನೋಡಿ

ಕಣ್ಣಾಮುಚ್ಚೆಯಾಡುವಾಸೆ..

ಮಗುವಿನಂತೆ ಮುಗ್ಧವಾಗಿ

ಬಾನ ತೊಟ್ಟಿಲಲಿ ಮಲಗುವಾಸೆ..

ಕೊನೆಯೇ ಇರದ ಬಾನಿನಲ್ಲಿ

ಗೆಜ್ಜೆ ಕಟ್ಟಿ ಕುಣಿಯುವಾಸೆ

ಯಾರೂ ಇರದ ಊರಿನಲ್ಲಿ

ನಾನೇ ನನ್ನ ಹುಡುಕುವಾಸೆ..

ಬಾನಾಡಿ ಜೊತೆ ಸೇರಿ

ಸ್ವತಂತ್ರವಾಗಿ ಹಾರುವಾಸೆ

ಬಾನಲಿರುವ ಸ್ವಚ್ಚಂದ ಪ್ರೀತಿಯಾ

ಭೂಮಿಗೂ ತರುವ ಆಸೆ...