ನಿನ್ನ ಕಾಣದೇ ಮನ ಮುದುಡಿದೆ
ನಾ ಏನೆಂದರೂ ಕೇಳದೇ ಮಲಗಿದೆ
ನೀ ಮಾಡು ಬಂದು ಅದನೆಚ್ಚರ
ಮುರಿದು ಬಾ ಬೇಗ ನೀ ಈ ಅಂತರ
ನೀಗು ಬಾ ನೀ ನನ್ನ ಆಳದ ಅಳಲು
ಉಸಿರಿಲ್ಲದೇ ಕಾಯುತಿದೆ ಈ ಕೊಳಲು
ಭಾವನೆ ಬರಡಾಗಿದೆ ಇಂದು
ಜೀವ ನೀಡು ನೀ ಬೇಗ ಬಂದು
ತಂಗಾಳಿಯು ತಂಪೆನಿಸದು
ನೀ ಬಳಿ ಇಲ್ಲದೇ
ಜಗವೆಲ್ಲವೂ ನಿಂತೋಗಿದೆ
ನೀ ಬಳಿ ಬಾರದೇ
ಯಾಕಿಷ್ಟು ಕಾಯಿಸುವೆ.. ಕಾಯುವ ತಾಳ್ಮೆ ನನ್ನಲ್ಲಿಲ್ಲ..
ಯಾಕಿಷ್ಟು ಮೌನಿಯಾಗಿರುವೆ..ನಾ ಮೂಕನಲ್ಲ..
ಯಾಕಿಷ್ಟು ನಿರ್ಭಾವಿಯಾಗಿರುವೆ..ನಾ ನಿರ್ಜೀವ ಬೊಂಬೆಯಲ್ಲ..
ಯಾಕಿಷ್ಟು ಪರೀಕ್ಷಿಸುವೆ..ನಾ ಪರೀಕ್ಷೆ ಬರೆಯುವ ಸ್ಥಿತಿಯಲ್ಲಿಲ್ಲ..
ಬಡಿಯುವ ಹೃದಯ ನಿಲ್ಲುವ ಮುನ್ನ...
ಕವಿದಿಹ ಇರುಳು ಸರಿಯುವ ಮುನ್ನ..
ನಾ ನನ್ನ ಹೃದಯದ ಖದ ತೆಗೆದಿರುವೆ
ಬಂದು ನೀ ಸೇರುವೆಯಾ ನನ್ನೊಳಗೆ...
ನೀನಿಲ್ಲದೇ ನಾ ಹೇಗಿರಲಿ ನನ್ನೊಳಗೆ...!!!
